Holtsel

Ræktun

Blandað er saman vetrarhveiti og káli, einnig káli, höfrum og rýgresi. þegar lítið rignir eins og oft gerist hér á vorin er gott að geta vökvað flögin til að flýta fyrir að fræ spýri. Þá er bæjarlæknum dælt upp og stór vökvunarvagn keyrir yfir flögin og bleytir vel í þeim.

Grænfóður

Hér er svo myndir sem eru teknar rúmum 8 vikum seinna þ.e. 14. júlí en sáð var þann 6 maí í þennan akur. Sýna þær afraksturinn, á þessu stykki var blandað saman vetrar hveiti og vetrar repju til helminga og sést vel hvernig þessi blanda kemur út.

Baunir

Við höfum einnig blandað saman ertum Bohatyr (baunum) og höfrum og kom það bara vel út í sumar. Baunirnar fóru vel af stað og náðu góðum þroska eins og sést á myndunum.