Holtsel er upphaflega svokölluð hjáleiga frá Grund og er fyrst og fremst kúabú.
Framleiðslurétturinn er um 240.000 lítrar á ári. Fjósið var byggt 1975. Það var endurbyggt 2006 og breytt í
lausgöngufjós.
Í því eru 64 básar fyrir mjólkurkýr og að auki legubásar fyrir öll gjeldneyti og herbergi fyrir yngstu kálfana þannig að
það rúmar um það bil 120 gripi.
Í fjósinu er mjaltabás með 8 mjaltatækjum. Mjólkurfóðrun kálfanna fer fram með tölvustýrðri kálfafóstru.
Meðalafurðir kúnna eru 5999 lítrar á ári og kýrnar eru að jafnaði um 45. Mjaltir fara fram kvölds og morgna alla daga
ársins.
Kýrnar koma sjálfar inn í mjaltabásinn, þar fá þær kjarnfóður, mismikið eftir afurðum. Síðan er júgrið þvegið vel með heitum rökum klút. Þá er tekið sýni í sýnakönnu nokkrar bunur úr hverjum spena. Síðan er mjaltavélin sett á spenana og mjólkin streymir í stóran glerkút. Að mjöltum loknum er mjólkinni dælt í tankinn í gegnum vatnskæli sem kælir mjólkina strax niður í ca. 8°. Þar tekur rafmagnskælipressa við og kælir mjólkin í 2°. Mjólkurbílinn sækir mjólkina þrisvar í viku.
Á sumrin er kúm og kálfum beytt bæði á gras og grænfóður. Einnig hafa kýrnar aðgang að heilfóðri allt sumarið.
“Í Holtseli hefur verið sýnt fram á að hægt er að reka hefðbundinn landbúnað á snyrtilegan og jákvæðan hátt bæði gagnvart neytandanum, náttúrunni og dýrunum og að hægt er að vinna eftirsótta hágæða vöru úr íslensku hráefni og skapa ný störf á atvinnusvæði sem eins og önnur hefur þörf fyrir nýsköpun,” sagði Steingrímur J. Sigfússon landbúnaðarráðherra þegar hann afhenti ábúendum Landbúnaðarverðlaunin 2009.
